പാലക്കാട്: മദ്യലഹരിയില്‍ ഓടിച്ച കാറിടിച്ച് വഴിയാത്രക്കാരായ വയോധിക ദമ്ബതികള്‍ മരിച്ചു. വടക്കഞ്ചേരി വണ്ടാഴി തെക്കേക്കാട് ചാമി (70), ഭാര്യ ജാനു (60) എന്നിവരാണ് മരിച്ചത്.
കൊടുവായൂർ കിഴക്കേത്തല പള്ളിക്കു സമീപം വെള്ളിയാഴ്ച ഉച്ചക്ക് രണ്ടരക്കാണ് സംഭവം.
ഡ്രൈവർ എലവഞ്ചേരി വട്ടേക്കാട് സ്വദേശി വിജയഗീതം ഹൗസില്‍ പ്രേംനാഥ് പി. മേനോനെ (45) പുതുനഗരം പൊലീസ് കസ്റ്റഡിയിലെടുത്തു. കൊടുവായൂർ ഭാഗത്തുനിന്ന് പുതുനഗരം ഭാഗത്തേക്കു പോകുകയായിരുന്ന നമ്ബർ ഇല്ലാത്ത ഹോണ്ട അമേസ് കാറാണ് അപകടം വരുത്തിയത്.
പള്ളിയുടെ മുൻവശത്തെ റോഡിലൂടെ നടന്നുപോവുകയായിരുന്ന വയോധികരെ അമിതവേഗത്തില്‍ വന്ന കാർ ഇടിച്ചുതെറിപ്പിക്കുകയായിരുന്നു.
Add Comment