ദുബായ് > ഓർമ ജബൽ അലി മേഖല കമ്മറ്റിയുടെ നേതൃത്വത്തിൽ വിപുലമായ ഓണാഘോഷ പരിപാടികൾ സംഘടിപ്പിച്ചു. ലോക കേരള സഭാംഗം എൻ കെ കുഞ്ഞമ്മദ് ഉദ്ഘാടനം ചെയ്തു. മേഖലാ പ്രസിഡന്റ് രാജേഷ് അധ്യക്ഷനായി. സാമൂഹിക പ്രവർത്തകൻ അഷ്റഫ് താമരശ്ശേരി, പിന്നണി ഗായിക ദേവിക സൂര്യപ്രകാശ് എന്നിവർ മുഖ്യാതിഥികളായി.
ഓർമ ജനറൽ സെക്രട്ടറി കെ വി സജീവൻ, പ്രസിഡന്റ് അൻവർ ഷാഹി, ട്രഷർ പ്രദീപ്, നൗഫൽ പട്ടാമ്പി, രവീന്ദ്രൻ മുള്ളമ്പത്ത്, മേഖലാ വൈസ് പ്രസിഡന്റ് മുരളി, വനിതാ വിഭാഗം കേന്ദ്ര കമ്മറ്റി അംഗം ഷഹീന കബീർ, മേഖലാ കമ്മറ്റി സെക്രട്ടറി രൂപേഷ്, ജോയിന്റ് സെക്രട്ടറി രജീഷ് എന്നിവർ സംസാരിച്ചു.
ഗായിക ദേവിക സൂര്യപ്രകാശിന്റെ ഗാനമേളയും ഓർമ കലാകാരന്മാർ അവതരിപ്പിച്ച കലാ പരിപാടികളും അരങ്ങേറി. മുപ്പത് വർഷത്തിലധികമായി പ്രാവാസ ലോകത്ത് ജോലിചെയ്യുന്ന തൊഴിലാളികളെയും തൊഴിൽ ദാതാക്കളെയും ആദരിച്ചു. ഓർമ കേന്ദ്ര കമ്മറ്റി നടത്തിയ പൂക്കള മത്സര വിജയികളെയും യോഗത്തിൽ പ്രഖ്യാപിച്ചു. പരിപാടിക്ക് സന്തോഷ്, അമീർ, കബീർ സജിത്ത്, രതീഷ്, ഷാജിത്ത് തുടങ്ങിയവർ നേതൃത്വം നൽകി.
Add Comment