ഡിഎംകെ നേതാവ് രജിരാജിനെ അക്രമിച്ച സംഭവത്തിൽ നാലുപേരെ അറസ്റ്റ് ചെയ്തു
പുനലൂർ നഗരസഭ പത്തേക്കർ വാർഡ് കൗണ്‍സിലർ പത്തേക്കർ ഷിബുവിലാസം ഷൈൻ ബാബു (40), നൂറനാട് പടനിലം പാലമേല്‍ കാവുള്ളതില്‍ കിഴക്കേതില്‍ ഒ. രാജേഷ്, ചെങ്ങന്നൂർ കാരയ്ക്കാട് കൊല്ലത്തറയില്‍ വീട്ടില്‍ കെ.ആർ. രാജേഷ് (38), ചെങ്ങന്നൂർ വെണ്ണൂക്കര ശ്യാമാലയത്തില്‍ കെ.വി. ശരത് (30) എന്നിവരാണ് പിടിയിലായത്. ഷൈൻ ബാബു കേരള കോണ്‍ഗ്രസ് ബി പുനലൂർ നിയോജകമണ്ഡലം പ്രസിഡന്‍റാണ്. ഗൂഢാലോചനക്കുറ്റമാണ് ഇയാള്‍െക്കതിരെയുള്ളത്. സംഘത്തിലെ മറ്റ് രണ്ടുപേർ ഒളിവിലാണെന്ന് പൊലീസ് പറഞ്ഞു. ഷൈൻ ബാബു ഒഴിയുള്ളവർ ക്വട്ടേഷൻ സംഘത്തില്‍പ്പെട്ടവരാണ്. ഷൈൻ ബാബുവും രജിരാജും തമ്മിലുള്ള വൈരാഗ്യമാണ് ആക്രമണത്തിന് ഇടയാക്കിയത്.
മൂന്ന് മാസം മുമ്ബ് മുഖംമൂടി ധരിച്ച സംഘം പുനലൂർ ടി.ബി ജങ്ഷനിലെ ഡി.എം.കെ ഓഫിസിന്‍റെറെ വാതില്‍ അടിച്ചുതകർത്തിരുന്നു. ഇതുമായി ബന്ധപ്പെട്ട് ഷൈൻ ബാബു നവമാധ്യമങ്ങളിലൂടെ രജിരാജിനെതിരെ ഭീഷണി മുഴക്കിയിരുന്നു. തുടർന്നുള്ള വാക്പോരാണ് ആക്രമണത്തില്‍ എത്തിച്ചതെന്ന് പൊലീസ് പറഞ്ഞു. പ്രതികളെ പുനലൂർ കോടതിയില്‍ ഹാജരാക്കി. കൊലപാതക ശ്രമത്തിത്തിലെ ഗൂഢാലോചന പുറത്തുകൊണ്ടുവരണമെന്നാവശ്യപ്പെട്ട് ഡി.എം.കെ നവംബർ 30ന് വൈകീട്ട് നാലിന് പുനലൂർ തൂക്കുപാലത്തിന് സമീപം കൂട്ടധര്‍ണ നടത്തും. സംസ്ഥാന സെക്രട്ടറി കെ.ആര്‍. മുരുഗേശന്‍ ഉദ്ഘാടനം ചെയ്യും.
Add Comment