ചാലക്കുടി പോട്ട നാടുകുന്നില്‍ വാഹനാപകടത്തില്‍ സഹോദരങ്ങള്‍ മരിച്ചു. എറണാകുളം പട്ടിമറ്റം ഓലിക്കല്‍ വീട്ടില്‍ സുരേഷിന്റെ മക്കളായ സുരാജ് (32), സജീഷ് (25) എന്നിവരാണു മരിച്ചത്.
ഇന്ന് പുലർച്ചെ അഞ്ച് മണിയോടെയായിരുന്നു അപകടം. ഇവർ ഓടിച്ചിരുന്ന ബൈക്ക് ദേശീയപാതയിലെ ഡിവൈഡറില്‍ ഇടിച്ചുകയറുകയായിരുന്നു.
മുരിങ്ങൂരില്‍ ബന്ധുവീട്ടില്‍ നിന്ന് കൊടകര ഭാഗത്തേക്ക് പോകുമ്ബോഴായിരുന്നു അപകടം. മറ്റേതെങ്കിലും വാഹനം ബൈക്കില്‍ തട്ടിയിട്ടുണ്ടോ എന്നതടക്കമുള്ള കാര്യങ്ങള്‍ പൊലീസ് അന്വേഷിക്കും. മൃതദേഹങ്ങള്‍ ചാലക്കുടി സെന്റ് ജയിംസ് ആശുപത്രി മോർച്ചറിയില്‍.
Add Comment