വയനാട് ലോക്സഭാ മണ്ഡലം ഉപതിരഞ്ഞെടുപ്പില്‍ വിജയിച്ച പ്രിയങ്കാ ഗാന്ധിക്ക് അഭിനന്ദനവുമായി രാഹുല്‍ ഗാന്ധി.
വയനാട്ടിലെ തന്റെ കുടുംബം പ്രിയങ്കയില്‍ വിശ്വാസമർപ്പിച്ചതില്‍ അഭിമാനം തോന്നുന്നുവെന്ന് രാഹുല്‍ പറഞ്ഞു.
വയനാട്ടില്‍ പുരോഗതിയും സമൃദ്ധിയും എത്തിക്കാൻ ധൈര്യത്തോടെയും അനുകമ്ബയോടെയും അചഞ്ചലമായ അർപ്പണബോധത്തോടെയും പ്രിയങ്ക നയിക്കുമെന്ന് തനിക്കറിയാമെന്നും രാഹുല്‍ എക്സില്‍ പങ്കുവെച്ച പോസ്റ്റില്‍ പറഞ്ഞു.
വിജയത്തിന് പിന്നാലെ രണ്ടുദിവസത്തിനകം വയനാട്ടിലെത്തുമെന്ന് പ്രിയങ്ക ഗാന്ധി അറിയിച്ചു. 2024 ലെ ലോക്സഭാ തിരഞ്ഞെടുപ്പില്‍ രാഹുല്‍ഗാന്ധി നേടിയ ഭൂരിപക്ഷത്തെ മറികടന്നാണ് പ്രിയങ്കയുടെ വിജയം. 4,10,931 എന്ന മഹാഭൂരിപക്ഷമാണ് പ്രിയങ്കയ്ക്ക് ലഭിച്ചത്.
Add Comment